FAQ

Pou w ka enksri oswa anrejistre sou aplikasyon MonCash la, w ap telechaje aplikasyon an sou Google Play Store oswa sou App Store epi w ap swiv etap ki afiche sou ekran an. W ap gen pou w bay non w, dat nesans ou (JJ/MM/AAAA). Chwazi yon pyès idantifikasyon (lisans, kat elektoral oswa paspò)

Sonje dokiman an dwe valid, bay nimewo pyès idantite ou te chwazi an,presize si w se fanm oswa gason, chwazi kòd sekrè w (pa pataje l ak pèsòn), epi rantre kòd sekrè w ou a ankò.

Apresa, MonCash ap voye yon SMS ki gen yon kòd 6 chif sou nimewo ou te bay la pou verifye si se ou! Pou sekirite w, tanpri pa pataje kòd sa ak pèsonn. W ap ka tou sèvi ak kont MonCash ou byen rapid apre ou fini etap yo.

Depi w gentan yon kliyan MonCash ou ka sèvi ak aplikasyon MonCash la. Pou w konekte w sou aplikasyon MonCash la, w ap mete nimewo telefòn ou gen kont MonCash sou li a epi kòd sekrè w. Si w pa gen yon kont MonCash, aplikasyon an ap mande w pou w kreye youn. Kliyan yo ap ka konekte ak anprent yo oswa ak sistèm rekonesans figi yo.

Pou w elaji kont MonCash ou (Limit 100,000 goud) , ou dwe swiv etap ki sou aplikasyon a.

Si w pa gen aplikasyon MonCash la, ou ka ale nan magazen Digicel ki pi pre w la, reprezantan MonCash yo ap kontan asiste w.

Non. Enfòmasyon w ak lajan w konekte ak kont MonCash ou kelkeswa aparèy w ap itilize pou w aksede ak kont ou. Sèvi ak nimewo telefòn ou epi kòd sekrè w pou w konekte w sou aplikasyon MonCash la epi w ap ka wè balans ou, dènye tranzaksyon w, fè tranzaksyon elatriye.

Non. Depi w se yon itilizatè MonCash w ap sèlman gen pou w telechaje aplikasyon an, konekte w ak nimewo telefòn ki gen kont MonCash ou a epi kòd sekrè w, epi w ap ka itilize aplikasyon an byen rapid

Lè w ap voye lajan bay yon itilizatè ki pa gen yon telefòn entelijan oswa ki pa telechaje aplikasyon an w ap jis konekte w sou aplikasyon MonCash la, ekri nimewo l epi peze bouton voye lajan an. Tranzaksyon yo fèt apati kont MonCash ou bay yon lòt kont MonCash kelkeswa aparèy y ap itilize.

Wi. Aplikasyon MonCash la se pou tout itilizatè MonCash, ni kont ki elaji ni sa ki pa elaji (Mini or Full wallet).

Non, ou pa gen okenn frè w ap peye pou w konekte w sou aplikasyon MonCash la. Men ou ka gen kèk frè pou w peye selon tranzaksyon w ap fè a.

Kòd QR MonCash la se yon kòd ki gen enfòmasyon sou itilizatè ki pral fè tranzaksyon an. Kòd QR MonCash la ap pèmèt ou peye ak resevwa lajan sou aplikasyon MonCash la, w ap annik eskane kòd QR la ak telefòn ou. Kòd QR MonCash la redwi tout erè ou te ka fè nan di yon nimewo telefòn byen fò oswa anpeche moun koute ki kantite kòb w ap voye.

W ap jwenn kòd QR la nan aplikasyon MonCash la nan pati “Kòd QR”.

Men 2 fason pou w sèvi ak kòd QR MonCash la:

1. Peye kèk atik: Ou ka sèvi ak MonCash pou peye atik yon kliyan achte. Chak fwa ou ale nan yon magazen gade si w pa wè kòd QR MonCash la bò kote kesye yo. Depi w wè l, monte sou aplikasyon MonCash la epi peze “Peye”. Apresa, eskane kòd QR MonCash ki devan w lan epi w ap ka peye sa w achte a.
2. Voye oswa Resevwa lajan: Klike sou “Kòd QR mwen" lè li parèt sou ekran w, mande lòt itilizatè MonCash la pou l eskane kòd ou a ak kamera telefòn li a. Lè yo fin eskane l, y ap ka wè kont ou epi voye lajan an pou ou.

Pou yon tan limite p ap gen okenn chaj adisyonèl lè w ap itilize kòd QR MonCash la

Kòd QR la gen enfòmasyon pèsonèl ou tankou nimewo telefòn ou pou yo ka idantifye kont ou. Men li pa gen enfòmasyon sou kantite kòb ki sou kont ou. Enfòmasyon sa yo dwe rete konfidansyèl, li pèmèt tranzaksyon yo fèt pi rapid.

Anplis ou ka fè transfè P2P GRATIS lè w eskane kòd QR, depoze lajan sou kont ou ak plis toujou.

W ap jwenn 3 FWA PLIS BONIS lè w rechaje telefòn Digicel ou ak MonCash.

Men tout frè ki aplike lè w sèvi ak MonCash depi Avril 2022:

Premye etap pou w resevwa transfè entènasyonal sou kont MonCash ou se pou w elaji kont MonCash ou. Men 2 fason pou w elaji kont MonCash ou:

Aplikasyon MonCash la:

1. Konekte w sou aplikasyon MonCash la, epi swiv enstriksyon ki sou ekran an
2. Vizite yon magazen Digicel

W ap gen pou w bay enfòmasyon, tankou nimewo pyès idantite w ak yon foto idantite pou w ka kontinye ak pwosesis pou elaji kont MonCash ou.

Pou w verifye si kont ou elaji, konpoze *202# chwazi opsyon 5, epi 4

Si tip la se fullkyc, sa vle di kont ou elaji

Lè kont ou elaji e ke w bay otorizasyon pou w resevwa transfè entènasyonal, w ap ka mande pwòch ou voye lajan pou ou atravè youn nan konpayi sa yo

Nan Nò Amerik la

1. Digicel International
2. Boss Money
3. Sendwave
4. Taptap Send
5. Sharemoney
6. C.A.M.
7. Shaka Express

Tout kote nan mond la

1. Remitly
2. RIA Money Transfer
3. Small World Money Transfer

Nan amerik latin

1. Girofacil
2. Uno Money Transfers
3. More Money

Nan Ewop

1. Orange Money
2. WorldRemit

Nan Karayib

1. Cibao Express
2. C.A.M.

Si w gentan gen yon kont MonCash, nouvo pwosesis anrejistreman an p ap afekte w.

W ap ka sèvi ak kont MonCash ou jan w te konn fè l la. Men, n ap ankouraje w pou w elaji kont ou epi bay yon pyès idantite valid.